Tvisvar sinnum í viku í febrúar koma 12 krakkar hingað í Hugmyndasmiðjuna til okkar í Tún og útbúa þar ýmis listaverk. Það skortir ekkert á hugmyndaflugið og vinnusemina. Meðal afurða í vinnslu er puttaprjónað gluggaskraut auk þess sem kíkt er á myndbönd og myndir af hugmyndum sem aðrir hugmyndasmiðir hafa verið að bralla víðsvegar um heiminn, meðal annars píanótröppur og blöðrugeimflaug. Við komum til með að setja inn myndir annað slagið af því sem er að gerast hjá okkur.